Mic Feuerstein (1928-2004) da la vart schnestra da l’En, a Pradella Sot. Davovart il Piz S-chalambert. Davo la scolaziun es Domenic Feuerstein (nomnà Mic) entrà i’l affar dals genituors ch'el ha manà insembel cun sia mamma e seis frar Jon davo la mort premadüra dal bap. Mic Feuerstein ha muossà bainbod üna gronda affinità per la natüra e pel film. Incuraschi da Jon ha el la finala müdà sia professiun ed ha cumanzà a filmar. Dal 1972 e’l sorti da l'affar da famiglia ed ha cumanzà üna plazza sco hom da camera pro la televisiun svizra. Plü tard ha’l lavurà sco collavuratur da program independent pro la Televisiun Rumantscha.

Films documentaris cun bes-chas e natüra sun stats il gener preferi da Mic Feuerstein. In üna seria da films documentaris ha’l tematisà la fauna dal Parc Naziunal, in special la vita dals tschiervis sco er la recolonisaziun dal tschess barbet al cumanzamaint dals ons 1990. Pervi da sia savüda filmica es el dvantà ün expert dumandà.