Giusep Steiner, staus scolast a Selva, noda en sias notizias sur da Tschamut e Selva:

A Tschamut han ei la via nova atras il vitg ed in hotel che porta il num "Rheinquellen", ei denton aviarts mo cul cuolm ei passabels. Cheu vegn ei brattau giu ils cavals da posta che van avon e suentermiezdi ina envi ed ina enneu, gl'emperm zercladur entochen la fin settember. Ei ha lu era aunc biaras carrotschas da signaria, bia viandonts a pei ed autras menadiras da maniera che temps da stad ei pli bia vivacitad a Tschamut che a Sedrun la capitala dalla val Tujetsch.