Tat Carli Flepp haveva baghegiau en sia casa a Gonda in fuorn per far paun. Aschia era ei usit ch'ei vegneva mintgamai fatg igl advnet paun e pettas e pettas da péra. Il di avon fuva ei da metter a levar la pasta. L'auter di haveva mia mumma la reschia. Quei era nuota aschi sempel. Scaldar il fuorn endretg pretendeva buca mo buns uadels. La crappa cotschna dil fuorn stueva vegnir alva.

Cura ch'il fiug era stizzaus vegneva controllau cun ina gasetta schebein in fuorn seigi scaldaus avunda. Sche la gasetta pigliava fiug era quei bien. Lu stueva la cotgla vegnir allontanada. Per quei intent fuva endrizzau in "Auffangbecken".

Cura ch'il fuorn fuva schubers vegnevan las pettas resp. il paun tuschaus cun ina pala da lenn en fuorn. Suenter ca. ina ura vegnevan las buontad pettas resp. il paun tratgs ord fuorn ed ins pudeva buca spitgar da saver gustar. Flot fuva ei era sch'ins saveva engartar il sgarabriec, quei ei la davosa pasta el curtè che vegneva "sgartaus" ensemen. Atgnamein era mo il num interessants. L'emprema foto muossa Oscar Flepp, sias soras Jolanda ed Anna sco era l'onda Tina.