L'emprim maraton da skis da l’Engiadina 1969
L'emprim maraton da skis da l’Engiadina 1969
In film curt exclusiv or da l'archiv da l'emprim maraton da skis da l'Engiadina l'onn 1969. Tar quest'emprima ediziun da la cursa da passlung tranter Malögia e Zuoz la dumengia dals 16 da mars 1969 n'era la Televisiun Svizra anc betg da la partida. A la Televisiun Rumantscha èsi reussì da scuvrir quest document istoric, fin oz nunenconuschent ed anc mai mussà en la televisiun.
Ins vesa che la partenza da l'emprim maraton engiadinais era anc davos l'hotel Maloja Palace. 945 persunas eran s'annunziadas, cuntanschì l'arrivada a Zuoz avevan 764 umens e 41 dunnas. L'emprim victur è stà Karl Wagenführ da Clostra, l'emprima victura Rita Czech da Lucerna.
L'autur da quest film dal 1969 n'è betg enconuschent. Il film è vegnì scuvert en connex cun retschertgas per in film da Cuntrasts davart il maraton da giubileum da 50 onns il 2018. En il film è era da vesair il fundatur dal maraton da skis, Albert Scheuing ed era l'unica dunna ch'è sa participada a tut ils maratons enfin il 2018, Françoise Stahel da Claustra.
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.