El text dil "Cudischet da Schluein" stat ei scret:

Il Crap dil Morder sesanfla ca. 200 m encunter damaun naven dalla Platta Pussenta, sper la via cantunala sin ca. 815 m s.m. Quei grep git schai gia sin terren dalla vischnaunca da Sagogn, ca. 1.5 km naven dil center dil vitg da Schluein. [..] Avon la slargada dalla via vargava quei grep git si la via per entgins meters. Cura ch'ins ha slargau la via, ils onns 50 dil 20avel tschentaner, han ins siglientau naven la gronda part dil grep. Dall'autra vart, viers la spunda, era il grep plein sfendaglias ed aschia in liug adattau da sezuppar per rubadurs e bandits.

In scolar dalla 4. classa ha fatg ina fotomontascha per mussar a nus co el s'imaginescha il Crap dil Morder avon la siglientada. La foto originala ei dad Eugen Rechsteiner.