Fabrica dal tunnel dal Alvra
Fabrica dal tunnel dal Alvra
Il tunnel da l'Alvra sün var 1'800 m s. m. d'eira da seis temp la plü ota perforaziun per ün tunnel da viafier tras las Alps. Davo ün temp da construcziun da 5 ons es gnüda festivada l'avertüra als 1. da lügl 1903. Il proget ha cuostü 7,3 milliuns francs. Il tunnel maina da Preda fin a Spinas cun üna lungezza da 5866 meters e traversa il sparta-auas tranter il Rain e'l Danubi ün pêr kilometers al vest dal pass da l'Alvra. La construcziun dal tunnel ha chaschunà problems extraordinaris pervi da l'aua chi culaiva our, quai chi ha chaschunà il fallimaint da l'impraisa da construcziun. Pro la fabrica dal tunnel da l'Alvra d'eiran occupadas in tuot 1316 persunas, i ha dat 16 accidaints mortals. Ils 29 da mai 1902, a las 3:30, es la muntogna statta perforada.
L'inter relasch fotografic da Gian Battista Gross (1883-1961) i'l Archiv dal stadi dal Grischun cun fotografias da tuot la Val Müstair es gnü digitalisà ed es accessibel online.
Staatsarchiv Graubünden / StAGR N2.1318 - Bever, Bahnhof Spinas, Bau und Eingang zum Albulatunnel, Südostansicht / Fotograf: Gian Battista Gross (1883-1961), Tschierv / CC BY-SA 4.0 / Archivinformationssystem Staatsarchiv Graubünden
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.