Congedi dil regiment de Salis
Congedi dil regiment de Salis
Infanterie Grisonne. Il giuven schuldau Uolf Casutt che ha gest cumpliu 24 onns - naschius ils 2 da settember 1759 - actualmein tier la compagnia Pestalozzi, régiment de Salis, survegn congedi da siu survetsch militar per returnar a Sagogn, siu vitg nativ. Dau a Tours, ils 20 da settember 1783 vala il document da congedi, sigilaus e visaus da ses superiurs, sco attest e passaport entochen casa.
Uolf Casutt marida cheu ella baselgia reformada ina Barbla nata Brunett (?) ed ei plitard documentaus sco gerau dalla vischnaunca da Sagogn. Els daventan geniturs dad in pèr affons, denton contonschan buca tuts la vegliadetgna da carschi.
En sia funcziun da gerau suttascriva Casutt egl onn 1799 in attest per evitar che Gion Rudolf Steinhauser (1762-1838) vegni deportaus dils Austriacs a Puntina, denton senza success. (tenor Bundi, Annalas 1974, p. 78, ligiom persistent: dx.doi.org/10.5169/seals-23119...).
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.