Lavur d'uaul
Lavur d'uaul
Il lenn ha giugau ina fetg gronda rolla ella val Tujetsch. Dad ina vart ils uauls sco schurmetg encunter lavinas e bovas e da l'autra vart la lenna per diever da baghegiar e scaldar!
Amiez il 19avel veseva ei ora mal cugl uaul ella val. Senza directivas rigurusas fuss igl uaul sedecimaus rigurusamein. Pil schurmetg da Selva fuva restau mo ina pintga scrotta, igl Uaul da Rosas. Ils animals, las cauras, han medemamein contribuiu alla sminuaziun dalla surfatscha digl uaul. Ils onns 1890 han las plontaziuns d'uaul priu sia entschatta, per cletg. Ils uauls ein serevegni e fuorman oz pli grond schurmetg pils habitonts che zacu!
El quen da vischnaunca han onns ora las entradas da lenna vendida formau ina dallas impurtontas entradas.
Ils sis umens han scursau las plontas e sepresentan al fotograf. Davontier seniester Alfons Beer da Surrein e Valentin Berther-Huonder, Sedrun. Davostier da seniester Baseli Schmid, da Placi, Ambrosi Schmidt, da calger Schmidt, Vigeli Cavegn-Monn e Stiafen Beer, Surrein.
La lavur ha fatg fom!
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.