Tabla commemorativa pels promotuors da la fabrica dal stradun sül Umbrail (1898-1901)
Tabla commemorativa pels promotuors da la fabrica dal stradun sül Umbrail (1898-1901)
Davo avair survgnü ils permiss da fabrica e las garanzias finanzials da la Confederaziun, dal Chantun e dals cumüns vain la lavur missa in libra concurrenza in lügl dal 1898. Set impraisas da fabrica, ses grischunaisas ed üna da Sondrio, s'interessan per quella ed offrischan ün rebass da 2 fin 13 % sülla somma previssa da 245'000.-fr. Finalmaing vain la lavur surdatta a l'impressari J. Huder-Walt da Cuoira, e quist as metta dalunga a l'ouvra. Müraders, minaders, tagliapeidras e manuals rivan a Sta. Maria in servezzan da l'impraisa Huder-Walt. Fin 300 lavuraints, per mêra part Talians, lavuran sül trassè suot la guida da l'indschegner superiur Peterelli e da l'ind'schegner dal district Ulrich Tramèr e suot la survaglianza da l'indschegner Corradini. Al cumanzamaint da la stà 1901 es l’inter traget a fin ed als 19 lügl vain la via surdatta ufficialmaing al trafic.
Ils 13,165 km via da Sta. Maria fin al cunfin han cuostü 265'665.45 fr. e'ls 205 m dal cunfin a la Quarta Cantoniera 5'478.-fr., dimena ün total da 271'143.45fr. Da quists han pajà:
la Confederaziun 168'811.-- fr. ; il Chantun 68'005.-- fr.; la Val Müstair 34'327.45 fr.
La cuntribuziun da la Val Müstair es gnüda scumpartida süls cumüns tenor Ia dav chi sieua: Sta. Maria 5/10; Müstair 2/10; Valchava 1/10; Tschierv 1/10; Fuldera e Lü 1/10.
Sco segn da recugnuschentscha per la gronda lavur dals iniziants ed in algordentscha a la construcziun da la via sur l'Umbrail es gnüda missa dal 1904 vi d'ün crippel süllas Plattatschas üna tabla da marmel da Lasa. Ella porta l'inscripziun:
VIA D'UMBRAIL
Eretta cun subvenziun federala et chantunala
1898 1900
cus. guv. Fritz MANATSCHAL, promotur
ing. distr. Ulrich TRAM ER, erectur
Jacun HUDER, impresari
Dedichà dalla comunità da Sta. Maria
MET 1773 5 M
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.