Ün ter toc aint da la Val Sinestra sün ün'otezza da 1711 m s. m. es il bain da Zuort. Fin pro la chasa da cura Val Sinestra maina üna buna via chi vegn dovrada da l'auto da posta dürant la stà. Da quia es l'access üna senda cun duos punts pendentas impressiunantas. Eir davent da Vnà as riva a Zuort, dafatta l’inviern. Il bain Zuort vain manzunà la prüma jada l’on 1482. In ün documaint dal 1546 vegn reglà chi chi sto construir e mantgnair la punt sur «Suord».

La senda da Sent sur Zuort e da là sün la senda transalpina sur il Cuolmen d'Fenga ad l'Ischgl in Austria es statta fich importanta dürant il temp medieval. Sent vaiva strettas relaziuns ecclesiasticas cun Ischgl e possedeva alps i’l Paznaun. Fin la mità dal tschientiner d’eira Zuort üna staziun da la duana svizra. L'istorgia plü nouva da Zuort es gnüda influenzada fermamaing dal dirigent e cumponist ollandais Willem Mengelberg. Inspirà da Gustav Mahler ha'l laschà construir ün chalet e dal 1920 ha'l cumprà la pauraria cun l'agricultura. Il 1924 ha el construì üna chapella cun ün uschenomnà carillon. Hozindi es Zuort ün pitschen hotel cun ustaria e daspö il 2010 in possess da Dr. med. Peter Robert Berry.