Agl emigrant
Agl emigrant (Poesia dad Alfons Tour)
Ti vul la patria bandunar
Ti vul egl jester ir?
Sut autras steilas, sur la mar,
Ventira far florir?
5 Tgei ha po mai mess tut anetg
Ti olm' en tals scumbegls?
Has buca lartg pli sut tiu tetg
En casa de tes vegls?
Verdegian buca pastgs schi fins
10 Sut nies azur serein?
Ballontschan buca grauns e glins
E conivs sper nies Rein?
Scadeinan buc tras nos uauls
Sagirs, fagugns, uals?
15 Resunan buca da nos aults
Las tibas tras las valls?
Terlischan buc nos pézs savens
Schi clar sco viv burniu?
Rebattan buc trasô nos zens
20 Honur e laud a Diu?
Floreschan buc aunc spegl ischi
Vertit e libertat?
Incont' il plaid romonsch ca pli
Ti' olma, pauper mat?
Savens ins mei empiara:
10 Pertgei po bragias ti?
„Jeu sai buc ir a casa,
Hai buca patria pli!“
5 Igl jester lur' empiarel:
Nu' schi dabot vas ti?
„A casa, a casa!“
Cun legherment el di.
Il viandont empiarel:
Danunder vegnas ti?
„Da casa, da
casa!“
Cun in suspir el di.
25 Mo va e crei, en buca ditg
Tschentasses ti tiu tgau
En fossa spel clutger dil vitg,
Che ti has bandunau!
Mo va, ord patria, sur la mar,
30 En prighels non spitgai:
Ti vul aunc franc in di turnar
E tuornas forsa mai!
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.