Pli baul in impurtonta ruta da transit

Fontauna: Oberländer Tagblatt (Sarganser)

Pitasch giugava cheu ina gronda rolla. La via menava sur il Rein Anteriur a Castrisch, Sevgein (il Fri) tras la val Renastga a Pitasch. Vinavon tras ils uauls da Pitasch sur il Güner Lückli, Safierberg, Spligia a Chiavenna. Quella via ei vegnida attestada da dr. e scolast alla Scola Cantunala Lorenz Joos. Che quella ruta seigi vegnida druvada gia dil Romans seigi strusch pusseivel denton segir dapi il temps miez. Denton era ils signurs da Sax-Misox, artavel dil possess da Belmontsch, prendevan quella ruta en direcziun Mesocco. La claustra da Cazzas veva posses a Pitasch, aschia ei era da supponer ch’els druvaven quella via.

Cun l’avertura dalla Via Mala igl onn 1473 ei la via sur il Güner Lückli ida en emblidonza . In bien « Läufer » veva dal Rein a Sagogn tochen Chiavenna 17 uras! Tras la Via Mala era quei naturalmein bia pli cuort.

Aunc oz ein enzacontas paucs fastitgs avon l’arrivada sil Güner Lückli veseivels, denton il toc sur las 9 fontaunas ei emplenius en. Paul Palmy (Wiesen/Chur) ei dil meini ch’ina ruta menava gia da Bogn Ragaz tras la val Calfreisa a Trin sur Flem alla punt dil Rein a Castrisch. Arrivavan il berniers el Fri (Sevgein) veseven els gia ad egl il surdimensional Sogn Cristoferus vid la fatschada dalla baselgia a Pitasch. Da quella egliada spetgaven ils berners agid per traversar la nauscha val Renastga.

Il Güner Lückli (2470 m.s.m.) vegn oz contenschius da Duvin sur l’alp Gretg. Quella via ei vegnida baghegiada duront la secunda uiara mundiala dils Polacs internai a Duvin.

Hans Cadetg

(carta parziala: Graubünden 1962)