Exercezi da pumpiers a Mustér
Exercezi da pumpiers a Mustér
In exercezi da pumpiers sut Gonda a Mustér 1927. La sprezza a motor cun quater uders vegn ad esser stada da quei temps sil pli ault stan dalla tecnica. Plirs umens contemplan la demonstraziun cun bucca e nas.
Igl exercezi vegn fatgs sil plazzal nua ch'ina resgia steva pli baul. Oz ei leu in center da cumpra.
Ulteriuras informaziuns da Gion Tenner da Mustér:
Sch’il datum constat setracta ei dil cuors da scharschai che ha giu liug denter ils 4 e 9 d’avrel 1927 a Mustér (cf. GR #14 dils 7-4-1927). Quei declarass era las persunas cun monduras, pertgei ils pumpiers indigens da gliez temps possedevan neginas monduras da pumpiers. Tenor il liug setracta ei tgunsch dalla sprezza da Vitg.
La Gasetta Romontscha scriva: Il cuors ei vegnius frequentaus da 53 umens sut la direcziun d'in signur Mathis. Sco instructers sil plaz ein stai ils signurs Frigg, Michel e Caviezel da Sumvitg.
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.