Putnengia = Tujetsch
Putnengia = Tujetsch
Igl uoppen da Tujetsch
Ils vegls han marcau e suttascret scartiras e documents cul sigil. Quei ei stau il temps che nossa vischnaunca ha apparteniu alla abbazia da Muster ed il cumin dalla Cadi ha menau las fatschentas da gronda muntada. El 19avel tschentaner perencunter metteva igl «oberkeit» il bul da sogn Vigeli che tegn la baselgia da Sedrun sin bratsch sut ils documents vi (Sigillum Comunitatis Aethuatiensis).
La damonda d'in uoppen ei sefatga per ils onns 1940. Il cantun Grischun ha pretendiu da mintga vischnaunca in uoppen. Era Tujetsch ha giu da prender ina decisiun. E la decisiun para dad esser stada leva, damai che gia igl onn 1939, a caschun dalla exposiziun svizra, ei nossa vischnaunca stada representada cugl uoppen dalla famiglia de Pultengia. Igl onn 1947 ei la vischnaunca da Tujetsch sedecidida definitivamein per l’arma dalla famiglia ministeriala dils nobels de Pultengia.
Igl uoppen ei concepius tenor la scartira da fiasta «500 onns Ligia Grischa» dils anno 1924. Soliamein la punt denter las duas tuors ei empau pli liunga ch'igl original - tenor il sigil anteriur dalla famiglia.
Igl uoppen da Tujetsch ei da num. La famiglia ministeriala de Pultengia ha giu en Tujetsch ed ella Ligia Grischa in grond plaid el capetel. Ch'ins patratgi oravontut da Pieder de Pultengia, digl avat e politicher che ha renovau la ligia igl onn 1424 ed ei daventaus sissu siu emprem cau.
Igl uoppen da Tujetsch:
Collecziuns:
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.