Casa da sola Sontget/Dulezi a Gonda e dretg il Sontget dils mats

Dumengia, ils 16 d'october 1887 ei la nova casa da scola vegnida benedida e collaudada. Suenter viaspras ein ils affons, alla testa la musica e cullas duas bandieras dils affons entuorn igl ornau crucifix, tratgs dalla vedra casa da scola vi ella nova e leu ha giu liug la ceremonia dalla benedicziun sut participaziun digl entir pievel cun in commensurau plaid dil president da scola e cun concert da cantadurs e musicants.

Aschilunsch il protocol dil cussegl da scola. L'auter di, ils 17 d'october 1887 ha igl emprem onn da scola entschiet en quella casa.

Quei onn possedeva la vischnunca tschun scolas cun sis partiziuns, a Sedrun duas e mintgamai ina a Cavorgia, Camischolas, Rueras e Selva. La scola romontscha a Sedrun dumbrava 46 scolars e la tudestga 20. L'entira vischnaunca dumbrava en tut 129 scolars e scolaras. Il cussegl da scola viseta silmeins sis gadas las scolas dalla val; la scola tudestga cun la participaziun digl entir cussegl e tuts scolasts! Suenter ei vegniu teniu in referat da scolast Josef Schuoler. Ils 26, 27 e 28 da mars 1888 han giu liug ils examens.