Il Radio Rumantsch ha laschà far 1961 il pled da Bumaun il president da la regenza grischuna Emanuel Huonder. Il pled vegn introducì cun ils suns dals zains da la claustra da da ses lieu d'origin Mustér.

Emanuel Huonder puntuescha en ses pled surtut ils problems che spetgan en il nov onn e spera sin la solidaritad da mintgin.

Citat ord il pled d'Emanuel Huonder: "Sco capo dil departement da finanzas saiel jeu che tuts che survegnan in quen da taglia sevilan che mo els stoppien pagar. Jeu sun cuntents che tuts sevilan."

Emanuel Huonder, president da la regenza grischuna 1968

e-lir.ch:

Huonder, Emanuel

* 5-2-1909 a Mustér, † 10-5-1968 a Cuira, cat., da Mustér. Figl da Sepp Antoni, emploià d'hotel, e da Carmelia n. de Vincenz, da Mustér. Biadi d'Emanuel Jakob de Vincenz, chapitani en servetschs papals. Nubil. Gimnasi a Mustér e Sarnen, stud.iur. a Friburg e Berna (dr.iur. 1933). Alura activ sco advocat. Secretari dal Dep. da finanzas e militar dal Grischun 1935-40. Causa tensiuns liadas al Cumbat cultural ha el demissiunà. Schef da la Cassa da cumpensaziun chantunala fin il 1942. Pres. da la Cumpagnia da mats cat. dal Grischun 1936-44. Secretari da la Partida cons. e cristian-sociala 1943-47 ed exponent cat. en il Cumbat cultural retardà. Pres. communal da Mustér e deputà en il Cussegl grond 1949-59, mastral dal cirquit da la Cadi 1953-59. Cuss. guv. 1960-68 (pres. 1964 e 1968), schef dal Dep. da finanzas e militar. Comm. da l'uniun studentica Fryburgia.