Posta da Sedrun
Posta da Sedrun
La posta da Sedrun ha cun igl 1. da december 2018 serrau - ei restan regurdientschas
In egliada ella historia dalla posta da Sedrun
Lucas Caveng staus igl emprem posttenent da Sedrun. 1850 ei vegniu endrizzau tier el in deposit. La pauca posta ch'arrivava lu a Sedrun vegneva repartida da quel anora. Quei deposit sesanflava el plaunterren dil hotel Cruna. Igl onn 1884 ha Carl Caveng surpriu la funcziun da posttenent a Sedrun. El ha denton menau la posta sulettamein in onn avon che surdar quell'incumbensa a siu frar Adolf. Lez ei buca secuntentaus d'esser mo in onn posttenent, el ha menau quella 46 onns entochen 1931. Gliez onn ei la posta vegnida els mauns da Lucas Cavegn. El ha menau ella 31 onns avon che surdar il suvetsch a siu fegl Rudolf ch'ei lu staus responsabels pil menaschi dalla posta entochen 1995. Gliez onn ei la posta vegnida els mauns dil davos posttenent da Sedrun, Gocca Janki. El ei allura staus posttenent entochen igl uost 2014. Silsuenter ei la funcziun da posttenent a Sedrun curdada. Quella funcziun ei vegnida adossada alla posta a Mustér e Glion.
La posta ha midau pliras ga casa a Sedrun. Igl emprem staziunada el hotel Cruna eis ella vegnida integrada pli tard el plaunterren dalla casa d'Adolf Caveng sper il hotel Alpsu. Pli tard eis ella vegnida disclocada ella casa da Lucas Cavegn, gest dasperas. Avon rodund 25 onns eis ella lu vegnida endrizzada el plaunterren dil Postigliun visavi.
La foto muossa dus da quels baghetgs. El funs la casa da crap dad Adolf Cavegn ed enamiez la posta dil temps da Lucas Cavegn e siu fegl Rudolf.
(informaziuns ord Quotidiana dils 7-12-18)
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.