Post da barriera a Samedan
Post da barriera a Samedan
Fin in settember dal 1965 d'eira a Samedan var 200 meters da la staziun vers Schlarigna ün post da barriera, chi eira occupò da la bunura a las tschinch fin a mezzanot. La Viafier Retica traversaiva lo la via chantunela da Samedan a Schlarigna.
Dürant il di serviva ün gaurdiaun la barriera e il servezzan bod od tard faiva ün lavuraint da la lingia. Els passaivan il di aint in quel chesin quadrat. Da la vart da la liniga as rechataiva l'entreda in giò vers station, vers Puntraschigna e vers Schlarigna daivan fnestrignas il sguard liber sül trafic intuorn la barriera.
Aint il chesin as rechataiva ün cateder per lavurer in pe ün s-chabè, ün telefon da servezzan ed üna pigna per s-chuder d'inviern. Dasper la Porta al chantun vers staziun d'eira ün brunzina chi annunzchaiva ils trens davent da staziun e da Schlarigna.
Ün baunchin situo da la vart sulagnliva vers Schlarigna e la via chantunela daiva la pussibilted als guardian das tschanter da bell'ora dadour. Quel baunchin d'eira eir ün lö ünua cha pensiunos as chataiva gugent ad üna baderleda sur da temps passos.
Oz ais tuot schvanieu els trens circuleschan tres ün tunnel da 100 meters suot la via chantunela.
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.