Uschia funcziuna il TAG
TAGs èn chavazzins (Stichwörter). Els èn in instrument fitg prezius, saja quai per chattar documents u per navigar sin la plattafurma nossaistorgia.ch.
I sa tracta da chavazzins ch'ins po agiuntar als documents, in pau sco etichettas/adressas supplementaras. Per il solit è quai ils nums da las persunas che cumparan en il text u dals lieus, als quals il document sa referescha; ma ils pleds pon era denominar ideas, terms generals u periodas da l'istorgia.
Ch'ils TAGs èn plazzads dasper il document ha dus effects: per l'ina è la maschina da retschertga da la plattafurma buna da chattar svelt il document, sch'ins tschertga in dals chavazzins. Cun cliccar sin in TAG èsi da l'autra vart pussaivel d'arrivar sin ina glista cumpletta dals documents cun il medem TAG.
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.