Co publitgar in video
Questa plattafurma è stada concepida d'emprim ennà sco in instrument per parter documents multimedials, pia na fai betg surstar ch'igl è fitg simpel da publitgar videos.
L'emprim da tut dovr'ins in conto. Suenter cumpara sisum a dretga en il profil persunal la colliaziun «Agiuntar in document». I basta da cliccar sisur e la fanestra «Agiuntar in nov document u Scriver in nov artitgel» s'avra.
En questa fanestra è la via la pli simpla da publitgar in video quella da trair il video sura en il champ «Metter qua»; plinavant datti la pussaivladad da selecziunar il document giavischà cun cliccar sin «Eleger».
Cura che Vus avais selecziunà il video giavischà, s'avra ina fanestra per inserir il titel, la data dal document, il num da l'autur, ina curta descripziun e la pussaivladad d'agiuntar in lieu (per exempel il lieu, nua ch'il video è vegnì filmà).
Suenter stuais Vus mo pli cliccar sin «Publitgar». Cun quest cumond s'avra ina fanestra che cuntegna insaquantas opziuns interessantas. L'emprima pussibilitescha d'inserir tags: ina funcziun utila che permetta da chattar pli facilmain ils documents. Cun la segunda pon ins tscherner il tip da licenza giavischà. Vus pudais da tut temp midar il tip da licenza. L'ultima opziun permetta da decider, sch'il video duai vegnir rendì disponibel immediatamain al public u sch'el duai vegnir memorisà en ils sbozs persunals.
Igl è impurtant da savair che mintga operaziun descritta qua è reversibla: Vus pudais da tut temp modifitgar mintga part dal text.
Sin la plattafurma pon ins chargiar mo videos en il format MP4. nossaistorgia.ch n'è betg ina plattafurma da streaming per il divertiment. Cun quai vulain nus dir: la finamira n'è betg d'avair la meglra qualitad da video, impurtant è percunter il cuntegn dal document. Cussegls per il format da video? Ils formats èn aposta da qualitad media. Il grond avantatg è ch'ins po publitgar ils videos senza impunder ina massa temp:
VIDEO: Codec: H264 - Bitrate: 2500 kps - Size: 720x576
AUDIO: Codec: Mp3 - Bitrate: 128 kps
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.