Teater a Sumvitg
Cun differentas fotografias avain nus tschertgà infurmaziuns dal teater da Sumvitg - tranter auter da la preschentaziun da "In e scadin".
Isidor Winzap ha retschertgà e chattà questas infurmaziuns:
Il toc da teater "Inescadin" ei la translaziun romontscha da sur Giusep Durschei dil toc original "Jedermann" (1911) da Hugo von Hofmannsthal (1874-1929).
"Sur Giusep Durschei ho tradüt "In e scadin" (Jedermann) da Hugo von Hofmannsthal, do a Sumvitg 1937-38". Quei stat scret en Reto R.Bezzola, LITTERATURA DALS RUMAUNTSCHS E LADINS, Ligia Romontscha, 1979, p. 770, annotaziun 54.
Il toc ei menziunaus el Muossavia dramatic da Gadola/Semadeni, LR 1947, p. 33
"In e scadin". Il giug della mort dil rehun. Giug religius da Hugo de Hofmannsthal. Partida maletgs. Persunas: 23-26 umens e 5-8 femnas. Temps: Cura ch'igl ei. Liug: Nua ch'igl ei. Cuoz: 2 1/2 uras. Cuntegn: Il giug representa la mort dil carstgaun che setegn cun peis e mauns vid ils beins de quest mund e che vesa finalmein sin pugn de mort, co tut il terrester ei mo vanadad e che sulettamein las bunas ovras cumpognan ins avon il tron de Diu. - La lubientscha de representaziun dat igl arranschader romontsch."
Remarca: Il manuscret sesanfla tenor LIR 1, 296 egl archiv dalla biblioteca claustrala a Mustér e tenor l'ediziun Giusep Durschei, Aulza ti'egliada, Romania 1995, 197 egl archiv dalla Romania, Trun.
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.