Igl anviern dalla neiv gronda

La fotografia cun igl autopostal agl Gelgia.

1951, cò ena foto digls 3.4.1951 cun la posta agl pass digl gelgia tgi traversescha restanzas d'ena lavegna. Igls pasaschiers eran la scola da Beiva tgi geva sen viadi da scola a Milang.

La lavegna digls Mulegns.

Ia ma ragord anc bagn dalla neiv gronda digl onn 1951. Chel onn vevigl navia igl schaner durant ple tgi en emda da tschielrot. Igls 21. da schner, igl de da son Bistiang (en firo local) eran distatgedas ples lavegnas ainten igl Grischun. Uscheia er agls Mulegns noua tgi è neida giu ena gronda lavegna dalla vard da Sblocs e veva suttaro diversas persungas tgi sa cattavan agl nord dalla vischnanca segl stradung cantunal. Per cletg ins igls ò pudia salvar e nign o pers la veta. Igls partutgias eran: Segl camiung tgi manava la sfola da neiv, igl stradign, Tona Wasescha, da Savognin. Tal è pero nia da sa deliberar sasez. An veta en er nias cattos ulteriours , tranter chels, Giulio Grisch, pasterner da Beiva ed igl stradign Tona Tiefenthal da Casti. Igl davos era sto durant 4 ouras ainten la neiv. La veia era per gronda part bloccada. Da chel taimp ins cunascheva tar nous anc betg igl Heilicopter, igls funcs, handys etc. Las lengias da telefons eran interrotas. Salvamaint ed organisaziun era gravageda. Suletamaintg equipas localas, cun simpel mettels, savevan porscher ageid. Oz è la situaziun strousch da s'imaginar!!

Commentari Vera Wanner (feglia digl medic dr. Giovanni Vassella, a Savognin)

Da mezde anfignen vers meza notg veva mies bab gido a salvar persungas da chella gronda lavegna. Set u otg on cattò ageid an vischnanca. Treis eran blessos schi grevs, tgi bab ò stuia luvrar ferm e metter els agl spital.