Ina historia e surpresa digl onn 1932 a Vrin
Ina historia e surpresa digl onn 1932 a Vrin
Avon ca. 160 onns eran las tscharvas ragischadas ora en Svizra diltut. Suenter 1870 vegnan neu dall'Austria tscharvas e setegnan si, principalmein el Grischun. Els onns 1930 han catschadurs dalla Surselva puspei giu l'occasiun da sittar tscharvas. Dus catschadurs da Vrin han giu in oreifer cletg igl onn 1932. Josef Caviezel da Vrin ha sittau in tschierv da 12 a Pardatsch/Suraua a Vrin, ensemen cun siu camerat da catscha, Sep Bistgaun Sgier, medemamein da Vrin. Il taur tscharva pasava 185 kg ed ei vegnius preperaus. La extraordinaria, marcanta e biala trofea ei stada exponida dabia decennis ell'ustria dil Hotel Lukmanier a Glion. Igl onn 1987 daventa ella deplorablamein in' unfrenda dil barschament dil Hotel Lukmanier. Sin la fotogtafia vesein nus da seniester: Sep Bistgaun Sgier e Josef Caviezel da Vrin.
La fotografia haiel anflau en la gasetta, il FREIER RÄTIER, digl onn 1932. A Vrin dat ei para neginas fotografias pli da quei eveniment special. Sco fotograf segna de Mont da Vella. Las indicaziuns haiel da Sep Fidel Caviezel-Solèr da Vrin, il fegl da Josef Caviezel ch'era il proprietari dalla trofea.
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.