Anfignen igl onn 1925 èn igls autos stos scumandos an noss cantun. En concluss digl cunsegl federal ò lubia alla posta da cursar gio avant noua tgi chegl era en basigns. Uscheia è l'amprema lengia da La Punt/Reichenau a Flem neida averta la stad 1919. La lengia digl Gelgia è eida an funcziun la stad 1920 anfignen Mulegns, la stad 1922 anfignen Beiva e la stad 1923 anfignen Son Murezza. Igl anviern era igl travagl pi problematic. Ins veva betg igls indrezs per spalar la neiv ed igls vehichels eran er betg adattos per cursar sen la neiv. Ins ò fatg da tottas schorts experimaints. Igl anviern 1922 è l'amprema posta eida anfignen Churwalden, igl 1928 anfignen Beiva ed igl 1935 anfignen Son Murezza.

Igl taimp da viadi da Coira a Lai/Lenzerheide cuzzava la stad 1920 1 oura e 46 min. igl tgaval duvrava igl anviern per chel tratg ple u manc igl dobel, vot deir 3 ouras e 20 min.