Nus analisain da moda anonimisada las infurmaziuns da noss utilisaders per pudair porscher in meglier servetsch e satisfar a lur basegns. Questa pagina utilisescha er cookies per analisar per exempel las activitads sin la pagina.Vus pudais specifitgar en voss navigatur las cundiziuns d'archivaziun e d'access als cookies.
La pagina tetgala: historiaHelvetica
Il glatscher dil Vorab (3’028 m s.m.)

Il glatscher dil Vorab (3’028 m s.m.)

avust 31st, 2019
Erwin Ardüser

Il num Vorab deriva dil tudestg-svizzer «vorab(a)», «voranaba», ei pia vegnius daus neu da Glaruna.

Dapi 1882 vegnan fatgas mesiraziuns regularas. Quellas muossan ch’il glatscher ei vegnius el decuors dils davos 140 onns per bunamein 1,5 km pli pigns (foto sura: ca. onns 1950, foto sut: 31-08-2019).

1967 ei vegnida inoltrada la damonda da concessiun per la construcziun d’implonts da sport d’unviern sil glatscher. L’avertura dil territori da skis sil glatscher ei stada il december 1978. Tochen 1991 ei il glatscher vegnius duvraus sco territori da skis da stad ed unviern. Silsuenter – cun paucas excepziuns – sulettamein duront igl unviern.

Ils visitaders ils pli prominents, che han gudiu il schaner 1983 in di da skis sil Vorab, ein bein stai il prenci Charles e la princessa Diana da Wales (Gronda Bretagna).

Suenter onns da dispetta denter las vischnauncas da Sagogn e Laax decida la dertgira federala igl onn 2001 ch’il glatscher sesanfla sin territori dalla vischnaunca da Laax.

Dapi 2006 vegnan parts dil glatscher curcladas la stad cun ina tuaglia alva che ha la funcziun da proteger il glatscher dils radis dil sulegl ed aschia impedir che quel liua aunc pli spert.

Visiuns pil futur ein l’installaziun d’in parc da vent sil glatscher ed ina nova pendiculara che menass dil Vorab giu ad Elm (Glaruna).

Ti stos esser connectà per agiuntar in commentari
Nagin commentari il mument
Erwin Ardüser
25 contribuziuns
27 settember 2019
237 guardads
1 like
0 favurit
0 commentari
2 Collecziuns
Gia 2,349 documentss associadas cun Suenter 2000

Collecziuns:

Network:
Sponsurs:
16,186
810
© 2024 FONSART. Tut ils dretgs resalvads. Dissegnà da High on Pixels.