Barbara Janom Steiner
Barbara Janom Steiner
Senza dubi – Barbara Janom Steiner è ina persuna profilada en la politica grischuna. Ils «Cuntrasts» van alla tschertga dals pass da sia carriera.
Igl è l’onn 1995. Cun 32 onns arriva la giuvna advocata Barbara Janom Steiner a Cuira e sveglia prest l’interess da las partidas: Cunquai ch’ella na vul betg che la Svizra daventia commembra da l’Uniun Europeica UE èsi cler, ch’ella chatta la via en la Partida Populara Svizra PPS dal Grischun.
Uschia cumenza la carriera politica da quella dunna ch’ha ertà il sez dad Eveline Widmer-Schlumpf en la regenza grischuna. Barbara Janom Steiner è silsuenter stada ina persuna centrala en la separaziun da las partidas PPS e PBD.
Tge rolla ch’il militar ha gì per la politicra, co ch’igl è stà quella bun’ura istorica dals 12 da december 2007 en il biro dal cusseglier federal Blocher e tge ch’igl è da raquintar da la stgaffa da fulars mussa il film dals Cuntrasts.
Ein Film von RTR mit deutschen Untertiteln.
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.