«L’Hom strom es ün bel hom», las preparaziuns
«L’Hom strom es ün bel hom», las preparaziuns
La prüma sonda da favrer s'inscuntran las scolaras e’ls scolars sün «Plaz», la plazza da cumün da Scuol, per far «L’Hom strom». Ils giuvens furnischan strom, ils vegls fuorman las atschas e’ls scolars dal s-chalin superiur plajan quel strom intuorn üna pütta da lain. Infra pacas uras es finida la lavur stantusa, e «L’Hom strom» es intant nouv meters ot e passa ün meter gross. Avant blers ons, cur cha’l strom da sejel d’eira amo disponibel in gronda quantità, vaiva mincha part dal cumün seis agen «Hom strom» E minchüna laiva avair il plü grond ed il plü bel. Cur cha tuot d’eira pront stuvaivan els gnir survagliats, perquai cha mincha part dal cumün improvaiva da dar fö fingià ouravant «L’Hom strom» da tschellas parts.
Rar e racoltà a man - il strom da sejel
Hoz es il strom da sejel rar in Engiadina Bassa. Plünavant sto'l gnir racoltà a man per fabrichar «L’Hom strom», causa cha la maschina da sejar rumpess il strom. Perquai metta il paur Anton à Porta da Scuol daspö ons a disposiziun ün grond chomp da sejel aposta per pudair far «L’Hom strom». Il strom vain lura racoltà mincha jada dals magisters dal s-chalin superiur cun agüd da lur scolars.
Il davomezdi da la prüma sonda da favrer s'inscuntran ils scolars e las scolaras sülla plazza cumünal da Scuol per fabrichar «L’Hom strom». Ils giuvens furnischan strom, ils vegls fuorman las atschas e’ls scolars dal s-chalin superiur plajan quel strom intuorn üna pütta da lain. Infra pacas uras es finida la lavur stantusa, e «L’Hom strom» es intant nouv meters ot e passa ün meter gross. L'Hom Strom vain lura transportà sün ün char a seis lö sün ün prà dadoir il cumün.
La saira as raduna la populaziun da Scuol insembel cun giasts per verer co cha «L’Hom strom» vain ars, intant cha las scolaras ed ils scolars plü vegls inglümineschan cun lur «bombas» (cullas da fö) la cuntrada. Punct las 20:00 vain dat fö l'hom strom e tuots chantan la chanzun da l'Hom Strom cha’l poet indigen Men Rauch ha cumponü dal 1954 per quista üsanza.
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.