La Regenza grischuna ha stuì relaschar il 1900 in scumond general per tut las vias. Il 1904 èn suandadas las emprimas prescripziuns. Ils adversaris han reagì cun protestas e petiziuns. Ils 13-10-1907 ha il suveran acceptà cun 81,5% l'iniziativa populara cunter l'automobil. 1910 ha il Cussegl grond decidì da dar liber il traject Punt da Tardis - Cuira al traffic d'automobils, ma l'uschen. Iniziativa da Zezras ha cuntanschì ils 5-3-1911 cun 11'977 cunter 6'115 da las vuschs in scumond absolut da l'automobil. Suenter la guerra èsi sa mussà ch'il turissem pudeva vegnir revitalisà mo cun dar liber las vias a l'automobil. Ma il 1920 ha il suveran sbittà la proposta cun 68% da las vuschs. Ils arguments cunter l'introducziun da l'automobil eran ussa la concurrenza a la VR, la mancanza da cleras prescripziuns, ils custs per il mantegniment da las vias e la protecziun da la patria. Pir ils 21-6-1925 ha alura il suveran grischun acceptà, per tema d'ina intervenziun da vart da la Confedederaziun, l’automobil sin sias vias, e quai cun 11'318 cunter 10'271 vuschs. Quai è stada la 10avla votaziun davart l'automobil.

Funtauna: Lexicon istoric retic

L’inserat qua sura è vegnì publitgà il mars 1920 en la Gasetta Romontscha.

...

Im Historischen Lexikon steht im Artikel zu 'Automobil' bzw. 'Anfänge des Automobilismus': "Graubünden handelte am rigorosesten: 1900 wurde ein allgemeines Automobilfahrverbot angeordnet, welches erst 1925, nach zehn Volksabstimmungen, aufgehoben wurde. Wer die geschlossenen Strassen trotzdem im Automobil befahren wollte, hatte Pferd oder Ochsen vorzuspannen."

Cumbat encunter igl automobil

mars 10th, 1921