L'entschatta dil sport da skis en Tujetsch
L'entschatta dil sport da skis en Tujetsch
Jeu mavel cun skis....
... gia avon ils anno 1920, buca, cun slondas, cun vers skis fabricat da miu bab ch'era scrinari. Ei setractava d'ina marca "badugn" robusta e resistibla. Tonaton eran els malamein cutschigiai. Il seniester era davos in tec furschlius e viults si, per cletg strusch aschi fetg sco davon. Il ski dretg era davos bunamein en fuorma normala, mo persuenter viults si davon sco il tgiern d'in capricorn da 15 onns. La ligiadura era per gliez temps moderna, construida dil fravi vegl Gion Bistgaun Beer aschia ch'ins saveva fitgar ils calzers "model Luis calger" en in cundrez stabel e tener els a mistregn aunc ualti pulit cun ina curregia stringida d'ina fiviala. Enzacontas guotas giudem il calcogn astgavan buca muncar per tener a liug ski e calzer.
(Sur Placi Huonder en Cronica 100 onns Club da skis Sedrun-Tujetsch da Tarcisi Hendry)
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.