La festa dalla cattada dalla sontga crousch a Savognin, vign festivada siva digl onn 1666, mintgamai igls treis da matg (odiern l’amprema dumengeia da matg). La festa è fitg populara e vign festivada cun tot pomp. Gio la dumang allas seis cloman igls sains ed igl rabattem digls murters an memorgia la festa.

An baselgia parrochiala vign exponiada la sontga Crousch. Igl sarvetsch divin festiv allas diesch e la prozessiun an la prada verdegionta, vignan accumpagneas cun cant, musica e sfratgs digl murters. La finiziun catta alloura igl sivamezde cun igl rusari. Sen igl film è da veir noss plevant, canoni, Ser Gieri Cadruvi, barm. ro (daple varda codesch da Savognin, pag. 268)

Realisaziun e copyright dal video: Romano Plaz, Savognin