Cò vusainsa la vischnanca viglia da Marmorera avant tgi ella è svaneida sot l'ava. La veia nova sur igl lai era gio construeida e las lavours ve dall'ovra vevan er gio scumanzo. Avant tgi sutterar la vischnanca sot l'ava èn tgesas e baselgia neidas destrueidas e las rastanzas digls morts èn neidas sutteradas ainten igl santieri nov se Pardeala.

Igl otgover 1948 decida ena radunanza communala cun 29:2 vouschs da vender la vischnanca a Turitg per l'erecziun d'en lai artificial. Las donnas vevan betg anc igl dretg da votar ed ins smina tg'igl resultat fiss sto oter schi ellas vessan er pudia decider...

"Murmarera scumpara" poesia da p. Alexander Lozza

Agl grond Moloch, Turitg, sacrifitgeschas

l'istorgia, igl lungatg, la tradiziung!

Digl far, cunfar digls vigls, angal la detga,

scu da Vineta, fascharo menziung.

Parchegl ò'gl schember vigl, tg'è sto da guardia

agl vigl casti, simbol d'eroic passo,

dulzo la bratscha, sa pattond stramia

da surangiu, scu egn tg'è despero!