Igl altar gotig da 1515 en caplutta s. Valentin a Mumpé Medel ei malegiaus rehamein, sin la part davos d'igl altar. En l'emprema egliada han ins l'impresiun ch'il maletg seigi donegiaus. Enconuschan ins il motiv dil sgriflem sin il maletg vesan ins ch'ei setracta da numerusas nodas casa. Ord la historia dalla via Romana che meina sur il pass Lucmagn san ins che tgi che passava sper caplutta ora entrava en caplutta ed urava u engraziava per agid retschiert en grevas e prigulusas uras da viadi, sin la via fetg teisa e malsegira, naven da s. Gada giu a Cuflons e si sur Vergera encunter Medel.