Poet e trubadur: Men Rauch
Poet e trubadur: Men Rauch
Il poet ladin Men Rauch è naschì 1888 e mort 1958 a Scuol. El ha lavurà sco geometer, inschigner e redactur. Blers onns ha Rauch scrit per la "Gazetta Ladina" e per il "Fögl Ladin".
Men Rauch è stà poet, raquintader, cabarettist e trubadur. El ha scrit raquints da chatscha en stil popular («In bocca d'luf», 1941), anecdotas («Fanzögnas da Calögnas», 1955) e poesias umoristic-satiricas («Il battaporta», 1944). El ha creà ils programs da cabaret «La Panaglia» (1951) e «La travaglia dal docter Panaglia» (1954, ens. cun Jon Semadeni e Cla Biert) ed ha scrit las collecziuns da biografias «Homens prominents ed originals»sco era il gieu al liber «La chanzun da la libertà» (1952). (ord e-lir)
Il balcun tort ha realisà il 1971 in purtret da Men Rauch.
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.