Nus analisain da moda anonimisada las infurmaziuns da noss utilisaders per pudair porscher in meglier servetsch e satisfar a lur basegns. Questa pagina utilisescha er cookies per analisar per exempel las activitads sin la pagina.Vus pudais specifitgar en voss navigatur las cundiziuns d'archivaziun e d'access als cookies.
La pagina tetgala: historiaHelvetica

Schau anavos fastitgs

Lucas Berther
Archiv cultural Tujetsch

Sur Giachen Antoni Fetz, plevon a Sedrun denter 1922 e 1948 filmaus da Lucas Berther-Mätzler, Sedrun/Rapperswil co el gauda sia pipa liunga .

La generaziun pli veglia dad oz ha el aunc adina en buna memoria, aschia ch'el ha schau anavos ses fastitgs ella val Tujetsch: A Tujetsch ha Sur Fetz schau anavos bials e gronds monuments, che plaidan da sia capientscha artista, da sia carezia per la casa de Diu, ed era per las capluttas, che salidan sco reginas dallas collinas e si dalla val. Sco ina guardia sin la tuor reteneva el dalla pleiv infiltraziuns nuscheivlas, sperts moderns e libertins, e sespruava dasperas de mantener ils buns usits religius dils vegls, che fladan tonta cardientscha e fidonza enten Diu. Buns usits religius, vivificai e modernisai. Siu humor, sia hospitalitad e sia amicezia basan sin ina pietad virila e sacerdotala. Ella ha schenghegiau ad el la confidonza dil schuldau sco dil fideivel enteifer quels 64 onns de siu sacerdozi. Cheu steva il plevon plein humor e capientscha amiez sia muntanera, cheu viveva quei spiritual che saveva metter a pez cun in stil tut aparti cordial las pli seriusas verdads, gie schizun censuras beinduras necessarias. Cun tgei plascher mav'el en ses megliers onns cun pass guivenils, survesend mintga auter scalem, dalla scala della lautga siadora, per direger siu chor ni per schar resunar sia vusch admirabla e ferma. Per tut sia lavur pastorala, era mischedada cun enqual surpresa e crusch, sco ei descha al bien pastur, ha el astgau sentir beinenqual legria.

Ti stos esser connectà per agiuntar in commentari
Nagin commentari il mument
Archiv cultural Tujetsch
1,212 contribuziuns
9 settember 2018
424 guardads
0 like
0 favurit
0 commentari
1 Collecziun
00:00:26
Gia 1,352 documentss associadas cun 1930 - 1939

Collecziuns:

Network:
Sponsurs:
17,303
857
© 2024 FONSART. Tut ils dretgs resalvads. Dissegnà da High on Pixels.