Crappa da fiug a Glion
Crappa da fiug a Glion
In'exposiziun da crappa avon la Casa Cumin a Glion che cuozza passa 3 onns.
L'uniun Schichtwechsel scriva:
In sguard profund sil fundament da nossa veta
In'exposiziun che cuoza dalla primavera 2022 tochen igl atun 2025 cun in program accumpignont ed exposiziuns specialas.
La resoluziun dalla crappa
En Surselva dat ei in scazi zuppau, numnadamein la gronda diversitad da crappa ch'ei sesviluppada duront milliuns onns entras las singularitads tectonicas dalla regiun. L'uniun «Schichtwechsel – La Surselva» realisescha in'exposiziun d'art extraordinaria da monolits el marcau da Glion.
Ils creaders dall'exposiziun inizieschan ina scuntrada profunda cun il material essenzial crap. Els intimeschan las visitadras ed ils visitaders da contemplar detagliadamein ils craps e da metter la crappa da nies contuorn en in niev context cun il marcau.
«Schichtwechsel – La Surselva» ei in'installaziun da crappa nunusitada. Mintga crap simbolisescha in cert caracter e representa in'epoca dall'evoluziun. Ils craps cumparan sco blocs singuls ni sco gruppa e muossan in'impressiun momentana dalla crusta dil mund.
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.