La scoula manuala/reala cun magister Reto Manatschal

Intuorn il 1960 existivan in nos chantun in divers lös scoulas per scolaras e scolars chi nu reuschivan a l’examen d’admissiun per la scoula secundara. Pro nus frequentaivan quels uffants inavant l’instrucziun in scoula primara. Ils magisters e’ls cussagls da scoula da la Val han visità dal 1963 la scoula manuala a Sent e sun stats inchantats dal nouv tip da scoula chi mettaiva fermamaing pais sül imprender pratic/concret e cun damain savair abstract/teoretic.

Bain svelt han ils cumüns decis d’introdüer eir qua la scoula manuala/reala. Sco lös da scoula sun gnüts destinats Müstair e Tschierv pels duos terzals d’aint. Cur cha Sta. Maria e Valchava han fabrichà la chasa da scoula cumünaivla, sun gnüts ils scolars da la manuala/reala dal terzal d’immez a Sta. Maria. La scoula manuala a Tschierv ha pudü exister fin dal 1977, l’ultim be cun 7 scolars e cun permiss special. Cun magister Reto Manatschal.

Luciana Hohenegger, Sandra Gross, Bettina Valär, Mengelsa Conradin, Jon Lamprecht, Edwin Regensburger, Arno Hohenegger, Fredi Pfeiffer
✦ Daniela Pinggera , Martina Lechthaler, Rita Pinggera, Maria Lechthaler, Claudia Hohenegger, Claudia Pfäffli, Josef Mall, Jachen Fluor, David Conradin✦ Andrea Schorta, Rico Hohenegger, Ivo Lamprecht, Severin Lamprecht, Chasper Bott