Onze Acla - il hotel dils Belges
Onze Acla - il hotel dils Belges
L’onn 1969 lascha l’Intersoc construir a Mustér in hotel privat cun 600 letgs. In hotel exclusivamain per giasts beltgs. L’edifizi immens amez la cuntrada vegn crititgà a partir dal cumenzament.
«Talsperre», «Betonklotz», «hotel dils Belges» – quai èn ils surnums da la glieud indigena per l’hotel Acla da Fontauna a Mustér. Per millis e millis Belgias e Beltgs è il hotel dentant«Onze Acla – Nossa Acla»: l’edifizi, nua ch’els passentan lur vacanzas sur generaziuns.
Il film dat ina invista a l’hotel Acla da Fontauna ch’è serrà e bandunà dapi l'onn 2001 e ch’è stà lezza giada il fundament per il turissem a Mustér. El lascha reviver il «temps dils Belges» a Mustér – in chapitel or da la lunga istorgia d’amur tranter ils giasts da la Belgia e la Svizra.
Fotografias:
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.