La fotografia mossa 45 omens marcants dall'uniun da conductours da posta da Coira igl 1892. Aintenmez cun barba neira igl mies basat Gion Stefan Pool (1832-1898). Ins pò liger igls sequents noms: Simmen 2x, Fimian, Senti 3x, Marchion, Willi 3x, Tester, Iten, Trepp 5x, Capun, Baggin, Cabrin, Meuli 3x, Weibel, Gredig, Meyer, Pohl (Pool), Brunner, Vernier, Jörg 2x, Theus, Candrian, Thöni, Cantieni, Minsch, Zindel, Weisstanner, Wazzau, Simeon, Conrad, Gabriel, Müller ält., Müller jüng., Buchmüller. 18 da chels on ena bela barba, igls oters 27 en schnuz.

Igl conductour era pladia dalla posta, el controllava igls biglets, mussava igl plaz agls viagiatours, dava pled e fatg a tals ed era er responsabel per igl transport da posta. El veva da procurar per en bung funcziunamaint digl viadi ed era igl superiour digl postigliun, igl cal era pladia digl tenent dalla posta da tgavals. Per regla tschantava el aint igl intern dalla carrotscha ansemen cun igls giasts e schi gl'era lo betg plaz era el dasper igl postigliun. La sia paia mensila era da chel taimp 90 francs.

(varda er artetgel da Romano Plaz "Gion Stefan Pool 1832-1898 conducteur tar la posta da tgavals".)