Nus analisain da moda anonimisada las infurmaziuns da noss utilisaders per pudair porscher in meglier servetsch e satisfar a lur basegns. Questa pagina utilisescha er cookies per analisar per exempel las activitads sin la pagina.Vus pudais specifitgar en voss navigatur las cundiziuns d'archivaziun e d'access als cookies.
In fidau pastur, il Josef Deflorin da Mustér

In fidau pastur, il Josef Deflorin da Mustér

1961
Fotografia da Christian Nold
Flurin Caviezel

Varga 30 onns ha Josef Deflorin da Disentis / Mustér pertgirau las nuorsas da Pitasch sin nossa alp da nuorsas, l'alp Dadens e Cuolm Selvadi. La tegia entadem ils Cuolms Selvadis era la stad siu dacasa.

Aschia havein nus da Pitasch enconuschiu Josef Deflorin sco in bien e fideivel nurser. Era el in orginal, sia survetscheivladad stat a nus aunc ditg en buna memoria. Cheu in per anacdotas da Josef Deflorin: La primavera cura che Josef vegneva ord la plazza d'unviern, per surprender la muntanera nuorsas sin pastira da primavera, salidava el nus da Pitasch cun dar il maun e dir curteseivlamein " beinvegni", e quei avon che nus vegnevan da far ad el in "beinvegni Josef" ! Sin damonda co has giu igl unviern vargau tunava ei per regla adina tuttina: Il patrun ei staus endretg cun mei, denton la patruna ei stau ina stria sibla!

In onn suenter ch'il tschess haveva priu naven enzaconts tschuts roga el il cautegia da dumandar igl uffeci da catscha cantunal per la lubientscha da sittar quel. Buis e muniziun duess il cautegia metter per el a disposiziun. Cun ina buis hagi el negins problems dad ir entuorn.

"Ils perderts fan aschi da tup che perfin ils tups sefan en con perderts els ein"

Quei audel aunc oz en mias ureglias co Josef Deflorin clamava amiez ils raschienis dils umens che seredunavan la sera sil baun avon ustria per dar ina patarlada. Suenter la pensiun ha Josef viviu en differentas casas da vegls en Surselva. El selegrava dallas visetas ed ha, quei ch'ei enconuschent a mi, mai selemantau e sedustau per el exemplaricamein.

Ti stos esser connectà per agiuntar in commentari
  • Radiotelevisiun Svizra Rumantscha

    Pius Bundi, il fravi vegl da Mustér, ha enconuschiu Josef Deflorin. Quel seigi vegnius tratgs si egl asil vegl a Mustér, seigi staus fumegl tier purs ni hagi fatg nurser bunamein sia entira veta.