Nus analisain da moda anonimisada las infurmaziuns da noss utilisaders per pudair porscher in meglier servetsch e satisfar a lur basegns. Questa pagina utilisescha er cookies per analisar per exempel las activitads sin la pagina.Vus pudais specifitgar en voss navigatur las cundiziuns d'archivaziun e d'access als cookies.
La pagina tetgala: historiaHelvetica
Ospidal Val Müstair 1934

Ospidal Val Müstair 1934

october 1st, 1934
Thomas Gross
Claudio Gustin

Prüm ospidal in Val Müstair a Sta. Maria/Sielva.

Ti stos esser connectà per agiuntar in commentari
  • Claudio Gustin

    La cumischiun da la Chascha d’amalats Val Müstair s‘ha occupada dal 1929 da la dumonda d’eriger ün ospidal confuorm a las prescripziuns chantunalas ed a las cugnuschentschas nouvas da la medicina. Cur cha quist proget es gnü cuntschaint, han cumanzà las dispittas tanter ils politikers da Müstair e quels da canderaint. La peidra d’intop d’eira unicamaing la dumonda ingio cha l’ospidal vess gnü da star, a Müstair pro la clostra o a Sielva. I s’ha sviluppà effectivmaing ün cumbat confessiunal in Val. A la mastralia dal 1931 han gnü da decider ils votants ingio cha l’ospidal nouv vegna fabrichà. Il resultat da la votaziun es protocollà seguaintamaing: „Decleranza: La differenza dal numer da 129 votants tanter il prüm scrutinum (207 schi cunter 128 na) e’l seguond scrutinum (202 schi cunter 4 na) deriva dal fat cha davo il resultat dal prüm scrutinum ils votants da Müstair as absaintettan da la plazza.“ La decisiun es statta clera a favur da Sielva. In seguit ha la cumischiun fat progettar in detagl la fabrica da l’ospidal a Sielva. Respunsabel pel proget es stat il büro d’architectura Bisaz e Könz da Zernez. L’inter fabricat es gnü construi dal 1932-34 per mêra part da firmas indigenas e cun blera lavur da reschia prestada da glieud da la Val. Lur paja a l’ura variaiva da 70-80 raps. L’ospidal nouv ha cuostü quella jada raduond 131‘000 fr. L’inauguraziun da l’ospidal a Sielva ha gnü lö als 5 avuost dal 1934.

Claudio Gustin
75 contribuziuns
10 avrigl 2018
451 guardads
0 like
0 favurit
1 commentari
3 Collecziuns
Network:
Sponsurs:
16,186
810
© 2024 FONSART. Tut ils dretgs resalvads. Dissegnà da High on Pixels.