Mustér: pader Clemens Giger
Mustér: pader Clemens Giger
Pader Clemens Giger,OSB St. Ottilien, naschius 14.11.1916, messa nuviala 1941, morts 9.12.2002 en l'Africa.
El ei staus biars onns missiunari enTansania.
El scriva ina brev igl Advent 2000:
"Mes cars parents, amitgs e benefacturs!
Il vegl onn va alla fin e nus mein cun curascha vi el niev onn. Il Segner ha gidau e nus vein giu bials dis ed era grevas uras ein vegnidas sur nus, mo nus vein retschiert tut ord ils mauns da Diu. Il Segner ei adina cun nus, perquei mein nus cun curascha vi el niev onn. Aschia giavischel jeu en quei senn, in bien niev onn.
Sco dapi decennis hai jeu era egl onn vargau survegniu in grond agid finanzial per gidar mias lavurs. Jeu engraziel a Vus tuts per il bien fatgs cun nus cheu a Peramiho.
Cun mia sanadad vai buca schi mal. Mia caplania cun 1800 fideivels poss aunc pastorar, denton mo cun in agid d‘in seminarist che surpren il priedi e gida a parter ora la sontga communiun. Mo jeu sentel che ei va plansiu encuter la fin. Dapi dus meins fa era la vesida a mi quitaus. Jeu fetschel denton la lavur aschi ditg che poss, schi ditg che las forzas tonschan ed il Segner vul. Quei po esser la davosa brev sin il niev onn.
Cordials salids e tut bien giavischa a Vus Vies vegl missiunari ell'Africa
p. Clemens OSB
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.